• Siz tovar sotib olingan (topshirilgan) kundan boshlab oʻn (10) kun ichida tovarlarni qaytarish yoki agar koʻrsatilgan xususiyatlarga koʻra sizga mos kelmasa, boshqa oʻlcham, shakl, hajm, uslub, rang yoki komplektatsiyadagi oʻxshash tovarga almashtirish huquqiga egasiz.

• Oʻzbekistondagi istalgan FUNDAY chakana savdo doʻkonida naqd pulda toʻlanganda tovarlarni qaytarish, almashtirish mumkin. Bank kartasi bilan toʻlangan tovarlar faqat xarid qilingan doʻkonga qaytarilishi mumkin.

• Xarid qilingan kuni qaytarish, almashtirish toʻlov usulidan qatʼi nazar, faqat tovar sotib olingan doʻkonda amalga oshirilishi mumkin.

• Qaytarish, almashtirish uchun sizga quyidagilar kerak boʻladi: chek va shaxsni tasdiqlovchi hujjat.

• Agar chek yoʻqolgan boʻlsa, unda tovar faqat xarid qilingan doʻkonga qaytarilishi mumkin.

• Agar tovar uchun naqd pul toʻlangan boʻlsa, darhol naqd pulda qaytariladi.

• Agar tovar bank kartasi bilan toʻlangan boʻlsa, pul toʻlov amalga oshirilgan kartaga qaytariladi.

• Toʻlovni qaytarish muddati – 7 kungacha.

• Tovarlarni qaytarish, almashtirish tartibi va shartlari bilan FUNDAY doʻkonlarida tanishishingiz mumkin.

• Qaytarish, tovarlarni almashtirish doʻkonning ish vaqti davomida amalga oshiriladi.

• Agar tovar sizga shakli, hajmi, uslubi, rangi, oʻlchami boʻyicha mos kelmasa, uni rad etish yoki almashtirish huquqiga egasiz.

• Oʻzbekiston Respublikasi Fuqarolik Kodeksining 433-moddasi va 1996-yil 26-iyundagi № 221-I-sonli “Isteʼmolchilarning huquqlarini himoya qilish toʻgʻrisida”gi Qonunning 18-moddasiga muvofiq:

• Agar tovardan foydalanilmagan, u shikastlanmagan, qadogʻi bilan qaytarilgan boʻlsa, uning tovar koʻrinishi, isteʼmol xususiyatlari saqlangan, plombalari, fabrika yorliqlari, shuningdek, sotilgan tovar bilan birga xaridorga berilgan tovar cheki yoki kassa cheki saqlangan boʻlsa, tovarlarni qaytarish yoki almashtirish mumkin.

• Ayirboshlash tartibi va ayirboshlanishi mumkin boʻlmagan tovarlar roʻyxati Oʻzbekiston Respublikasi Vazirlar Mahkamasining 2003-yil 13-fevraldagi 75-son Qarori bilan tasdiqlangan qoidalar asosida belgilanadi.

• “FUNDAY” doʻkonlarida taqdim etilgan mahsulotlardan quyidagilarni almashtirish yoki qaytarish mumkin emas:

- paypoq mahsulotlari;
- tikuv mahsulotlari va trikotaj ichki kiyimlar (ichki kiyim, choʻmilish kostyumlari va boshqalar);
- qoʻlqop mahsulotlari.

“Isteʼmolchilarning huquqlarini himoya qilish toʻgʻrisida”gi Qonunning 14-moddasiga binoan, agar isteʼmolchi tovardagi nuqsonlarni aniqlagan boʻlsa va sotuvchiga uni almashtirish haqida daʼvo bergan boʻlsa, bu talab qondirilishi kerak:

• tovarni oʻxshashiga almashtirishda talab taqdim etilgan kundan boshlab 7 kun ichida;

• qoʻshimcha sifat tekshiruvi zarur boʻlsa, 20 kun ichida;

• agar ayni paytda sotuvchida almashtirish uchun zarur boʻlgan tovar mavjud boʻlmasa, 1 oy ichida.

• Choʻl joylarda va olis tumanlarda, tovarlar vaqti-vaqti bilan olib boriladigan joylarda isteʼmolchining bunday talabi ushbu joylarga navbatdagi tovar yetkazib berish uchun ketadigan muddat ichida, lekin ikki oydan kechiktirmay qondirilishi lozim.